યાત્રા દુબઇ પ્રવાસ ભાગ 3

                                              યાત્રા દુબઇ પ્રવાસ ભાગ 3 

          આજે 29 મી માર્ચ..ગઈકાલે ડેઝર્ટ સફારીમાં  રેત સ્નાન કરી ધૂળમાં રગદોળાયેલા  તેને ખંખેરવાના હોઈ આજના સાઈટ સીન થોડા મોડા શરુ. કર્યા બપોરે નીકળી આજે દરિયાઈ સફર માટે જવાનું હતું. દુબઇ પાસે ખુબ વિઝન છે અને પૈસો છે.સતત નવું નવું જ કરવાની દિશામાં જ એ લોકો દોડે છે.The Palm  Island  તેનું મોટું ઉદાહરણ છે. દરિયાની અંદર  Palm Tree { તાડ નું ઝાડ } આકારનો વિશાળ કૃત્રિમ ટાપુ બનાવ્યો છે. 520 કી.મીના વિસ્તારમાં 25000 થી વધારેની વસતી છે. ટાપુના ત્રણ વિભાગ બનાવાયા. તાડ વૃક્ષનું થડ ,પાંદડાં અને બાહ્ય ચંદ્રાકાર ભાગ. થડના ભાગમાં કોમર્સીઅલ અને ઉંચી ઇમારતો ,પાંદડાંઓમાં બંગલાઓ અને બાહ્ય ચંદ્રાકારમાં વૈભવી વિસ્તાર અને રિઝોર્ટસનું આયોજન થયેલું છે. 2001 માં તેને વિકસાવવાની શરૂઆત થઇ અને 2006 માં પ્રથમ ભાગ પૂર્ણ થયો. 2009 માં 75% કામ  પૂરું થયું. ક્યારેક રોકાવાનું મન થાય તો આપણા મુકેશ અંબાણી અને શાહરુખ ખાનના અને અન્ય મોટા ઉગયોગપતિના બંગલા પણ ત્યાં છે. પણ જવાનું વિચારવમાં બહુ મોડું ન કરતા કેમકે ધ ન્યુયોર્ક ટાઈમ્સના જણાવ્યા અનુસાર NASA ના રિપોર્ટ અનુસાર આ ટાપુ દર વર્ષે 5 મીલીમીટર જેટલો ડૂબે છે. પાંચ કી.મી ના થડના છેડે આવેલ Gateway Tower માંથી 52 માળ ઉપર જઈને દરિયા વચ્ચેના આ કૃત્રિમ ટાપુનો  અને તાડવૃક્ષનો અદભુત વ્યુ જોવાનો આનન્દ લીધો.કુદરતની સામે માનવસર્જિત આ કરામત માટે કુદરતે જ આપેલ મગજના ભરપૂર ઉપયોગને ચોક્કસ ધન્યવાદ આપવા ઘટે.

      હવે ભર દરિયામાં પામ ટ્રીમાંથી પસાર થવા ઉપરાંત yacht યાંત્રિક બોટમાં સફર કરવાની હતી.આમ તો મોટા ક્રુઝમાં ઘણા લોકો એક સાથે પણ જાય પણ વધુ આનંદ લઇ શકાય એટલે અમારા પેકેજમાં અમે અંગત  Yacgt માત્ર અમારા છ માટે  બુક કરાવ્યું હતું.આધુનિક Yachtમાં બેડરૂમ, નાનો ડ્રોઈંગ રમ અને ખુલ્લામાં બેસવાની જગ્યા પણ..બે ખલાસી { કેપ્ટ્ન } જોડાયા.મધદરિયે ખુબ ઝડપી ગતિએ અંતર કાપતા કાપતા દુબઈનો નઝારો જોતાં ગયા.અહીં પણ સાગર અને રવિ મિલનનો લાભ મળ્યો.સૂર્યાસ્તને મોબાઈલમાં ઝડપી લીધો.પામ ટ્રી વચ્ચેથી પણ પસાર થયાં

.દરિયામાંથી ' દુબઇ આઈ ' પણ લાઇટિંગ સાથે જોયું. અગાઉ લંડનનું વિશ્વનું સૌથી ઊંચું મેરી ગો રાઉન્ડ જોયેલું.હવે આ 'દુબઇ આઈ ' વિશ્વનું સૌથી ઊંચું મેરી ગો રાઉન્ડ બની

ગયું છે.Yacht માં પુરા બે કલાકમાં આઠેક કી.મી. નો દરિયાઈ પ્રવાસ ખેડી દુબઈની રાત્રી નજાકત જોઈ.

                                     .

·         અહીંથી Global Villege જવાનું હતું દુનિયાના અનેક દેશોના અહીં એક જ જગ્યાએ બજાર છે.

·           Afghanistan

·          Bahrain

·          Bangladesh

·          China

·          Egypt

·          India

·          Iran

·          Iraq

·          Japan

·          Kuwait

·          Lebanon

·          Morocco

·          Oman

·          Pakistan

·          Palestine

·          Qatar

·          Russia

·          Saudi Arabia

·          South Korea

·          Sri Lanka

·          Syria

·          Thailand

·          Turkey

·          United Arab Emirates

·          Yemen

           શરૂઆતમાં 1997 થી જુના દુબઈમાં ભરાતું આ બજાર પછી થી વિશાળ જગ્યામાં તે ગોઠવાયું.અહીં 25 થી વધારે દેશોના વિભાગ છે.જેમાં તે દેશની પ્રખ્યાત વસ્તુઓનું વેચાણ થાય છે નાસ્તા ગૃહ પર પૂરતા છે.અમને ઇન્ડિયન ચાટ બજાર પણ મળી ગયું.દુનિયાના ખ્યાતનામ કલાકારોના અહીં કાર્યકમો પણ થાય છે.વિસ્તાર એટલો મોટો છે કે શરીર અને સમયને સાચવવા માટે થોડા જ વિભાગો જોઈને સંતોષ માની લીધો. રાત્રે હોટેલ પરત

          તારીખ 30 માર્ચ.દુબઈના મુખ્ય આકર્ષણ એવા તમામ સાઈટ સીન જોવાઈ ગયા હતા. સવારે થોડો મુક્ત સમય હતો એટલે જાતે જ ટેક્ષી કરી મીના બજાર ગયાં .દુબઈના મધ્ય ભાગમાં આવેલું બજાર પ્રવાસીઓને માટે સારું છે.સોના ચાંદી  ઉપરાંત ચોકલેટ ,ખજૂર

ડ્રાયફ્રુટ વગેરેની અનેક દુકાનો છે.અમદાવાદીને આ ગાંધી રોડ કે રિલીફ રોડની યાદ અપાવે.. હોટેલ પરત આવીને બાકી રહેલ મિરેકલ ગાર્ડનની મુલાકાત હતી 2013 તૈયાર થયેલું 72000 ચોરસ મીટરમાં ફેલાયેલું મિરેકલ ગાર્ડન વિશ્વનું સૌથી મોટું ગાર્ડન છે.

જે ઓક્ટોબરથી એપ્રિલ દરમિયાન તે ખુલો રહે છે કારણકે બાકીના દિવસોમાં તાપમાન 40 ડિગ્રીથી વધારે હોય એટલે તેની શોભા ઘટી જાય. 2018 માં ડિઝની સાથે કરાર થયા એટલે તેના બાળકોને ગમતા પ્રતીકો અહીં મુકાયા છે.150 ટન જેટલા વિવિધ પ્રકારના ફૂલો અહીં છે.અહીં ટર્કીશ આઈસ્ક્રીમ ખાધો. કોન ફેરવતો જાય ગ્રાહકોને હસાવતો જાય .આ લાક્ષણિકતા ટર્કીશના બધા જ સ્ટોલની હોય છે.હોટેલ પરત .પ્રવાસ પૂરો .4.30 વાગ્યે કાર આવી ગઈ.એરપોર્ટ પર વિધિ પતાવી. દુબઇ સમય અનુસાર 7.25. મિનિટે ઉપડ્યા અને રાત્રે 11.45 વાગ્યે અમદાવાદ એરપોર્ટ પર અને ત્યાંથી ઘેર.આખો પ્રવાસ આનંદદાયક અને સુખરૂપ રહ્યો. શિસ્ત ,સમૃદ્ધિ અને રાષ્ટ્રપ્રેમ સાથે ટેક્નોલોજી અને વોઝન જોવા માટે  ચોક્કસ દુબઇ જવાય.

 

યાત્રા - દુબઇ પ્રવાસ-ભાગ -2

                                                યાત્રા - દુબઇ પ્રવાસ-ભાગ -2 

       ક્લ્બ મહેન્દ્રનું હોટેલ એપાર્ટમરન્ટ ' અરેબિયન ડ્રિમ્સ 'માં પહોંચ્યા.હોટેલ એપાર્ટમેન્ટ એક વિશેષ પ્રકારની વ્યવસ્થા છે.ડ્રોઈંગ રૂપ ,બેડરૂમ અને સંપૂર્ણ સજ્જ રસોડા સાથેનું યુનિટ.ફ્રીઝ,ઓવન ,વોશિંગ મશીન ,ઇન્ડક્શન સહિતની સુવિધા. ફ્રેશ થઇ થોડો આરામ કર્યો અને સાઈટ સીન પર જવા માટે ગાડી આવી ગઈ.અહી ની કારમાં ડ્રાઈવર  સીટ ડાબી બાજુ હોય છે.બધી જ ટેક્સી કાર અતિ આધુનિક અને ખુબ મોંઘી હોય છે દરેક ટેક્સી છ કેમેરા થી સજ્જ હોય છે જે કંપની અને તંત્ર સાથે જોડાયેલા હોય.

            દુબઈના ખુબ ધનાઢ્ય વિસ્તાર 'ડાઉન ટાઉન 'માં આવી ગયા.અહીં એક સાથે ઘણું જોવાનું હતું.શરૂઆત 'દુબઇ મોલ' થી થઇ.દુનિયાના સૌથી મોટા આ મોલમાં 1200 થી વધારે દુકાનો અને સેંકડો નાસ્તાગૃહો છે.200 જેટલા ફૂટબોલ મેદાનો જેટલી વિશાલ જગ્યામાં વિશ્વનું સાયથી ઉંચુ મકાન 'બુરઝ ખલિફા,,અંડર વોટર ઝૂ,, ફાઉંટેઈન શો ,આવેલા છે.

મોલમાં ફરતાં ફરતાં શરૂઆત અંડર વોટર ઝૂ થી કરી.હજારો પ્રકારની દુર્લભ એવી જીવંત માછલીઓ નું આ સંગ્રહાલય છે. જળ ઘોડો ,જળ બિલાડી જેલ ફિશ { ઝેરી માછલી } જેવા ફક્ત નામ જ  સાંભળ્યા હોય તે જોવાનો અદભુત લહાવો છે.ત્રણેક માળમાં પ્રાકૃત્તિક  દરિયાઈ વાતાવરણ બનાવીને એ તૈયાર થયું છે.અહીં મગર અને પેગ્વિન પણ છે. 

          અહીંથી હવે ગ્રાઉન્ડ ફ્લોર આવેલાં હોજમાં થનાર ફાઉંટેઈન Show જોવાનો હતો.લગભગ સોએક ફિટ જેટલા હોજમાં સંગીત સાથેના વિવિધ રંગી અને વિવિધ આકારોમાં ફેરવતા ફુવારા અદભુત હોય છે.એમાંય ખાસ તો સામે આવેલ બુરઝ ખલિફા અને  આસપાસ આવેલા અન્ય ઊંચા મકાનો પરની વૈવિદ્યભરી લાઈટોથી સુંદરત્તમ દૃશ્ય સર્જાય .

             હવે વિશ્વના સૌથી ઊંચા બાંધકામ બુરઝ ખલિફાની મુલાકાત.828.8 મીટર એટલે 2727 ફિટ તે ઊંચું છે.163 માળના આ મકાનમાં રાહહાક,દુકાનો અને ઓફિસો છે.દર્શકોને જોવા માટે 124 અને 125 માં માળે દર્શક ગેલેરી છે.એક બે એસ્કેલેટર ચડ્યા પછી લિફ્ટમાં ફકર આશરે દોઠ બે મિનિટમાં જ 124 માં માળે પહોંચી જવાય.અગણિત ઊંચા મકાનો અને રાત્રી સમયની રંગબેરંગી લાઈટો વાળું દુબઇ ઉપરથી જોતા એમ લાગે કે આખું આકાશ જ નીચે ઉતરી આવ્યું છે.

2004 માં તેનું બાંધકામ શરુ થયું 2009 માં પૂરું થયું અને 2010 થી તેને ખુલ્લું મુકવામાં આવ્યું.બિલ્ડર Emaar Proparties એ બાંધકામ તો શરુ કર્યું પણ આર્થિક તંગી ઉભી થઇ.તરત જ ત્યાંના શેખ જાવેદ ખલિફા એ તેને પૂરતો  આર્થિક સહકાર આપ્યો.બદલમાં બિલ્ડરે મકાનનું નામ બુરઝ દુબઇ ને બદલે બુરઝ ખલિફા રાખી તેમની સ્મૃતિ કાયમ રાખી. રાત્રે હોટેલ પરત.

          તારીખ 28 મી માર્ચ.આજે ત્રણ મોટા સાઈટ સીન હતા.સવારે જ કાર લેવા આવી ગઈ.Dubai Frame  તરફ .ઝબીલ પાર્કમાં આવેલી વિશ્વની સૌથી મોટી ફ્રેમ 150  મીટર ઊંચી અને 95 મીટર પહોળી છે. દુબઇ મ્યુનિસિપાલિટી અને એક સ્થાપત્ય કંપની દ્વારા વિશિષ્ટ સ્થાપત્યની ડિઝાઇનની સ્પર્ધા યોજાયેલી 926 હરોફઓ માંથી Farando Donis , આનારરાષ્ટ્રીય જ્યુરી દ્વારા વિજેતા જાહેર થયો.2009 માં બાંધકામ શરુ થયું.2018 માં તે ખુલ્લું મુકાયું.ઉપરથી ઉત્તર તરફ જૂનું દુબઇ અને  દક્ષિણ તરફ નવું દુબઇ જોઈ શકાય છે.એવું જ અંદર પ્રવેશ વખતે વર્ષો પહેલાના દુબઈના જીવન  અને વેપાર ધંધાના  જીવંત દ્રશ્યો છે તેવી જ રીતે બહાર નીકળતી વખતે નવી પ્રગતિના દૃશ્યો છે.અહીંની એક વિશેષ રોમાંચક વાત એ કે  48 માં માળે ઉપર એક છેડેથી બીજે છેડે કાચના ફ્લોર રસ્તા પર ચાલીને જવાય.પારદર્શક કાચમાંથી ઉપરથી નીચેના ભવ્ય દૃશ્યો જોવાનો એક વિશેષ અનુભવ રહ્યો.

         હવે  મ્યુઝિયમ ઓફ ફ્યુચરનો વારો.ખાસ તો દુબઈના આવતીકાલના વિકાસ અને વિજ્ઞાન અને ટેક્નોલોજીની કલ્પના અહીં મુકવામાં આવી છે.વિશિષ્ઠ આકારના સાત માળના યુનિટમાં 2071 માં દુબઈની પ્રગતિનો ચિતાર છે.આમ તો અત્યારે ઓન ટેક્નોલોજીમાં ખુબ ખુબ આગળ છે જ તેમ છતાં પચાસ વર્ષ પછીની જીવંત વિગતો મૂકી છે.પ્રારંભમાં  હાથના કાંડામાં એક બેલ્ટ પહેરાવે  પછી અંદરના જવા બેલ્ટને સ્કેન કરતા જવાનો.મુખ્ય પ્રવેશ દ્વારમાં એક વાત વિશેષ જોવા મળે .ઉપરના આખા છતમાં ત્યાંના શેખ મહંમદ બિન રશીદ દ્વારા ભવિષ્યના દુબઈના વિકાસની કલ્પના કરતી અરબી  ભાષાની કવિતા ખુબ મોટા અક્ષરે લખાયેલી છે જે લાઇટિંગ દ્વારા ઝબક ઝબક થાય છે.અલગ અલગ વિભાગોમાં કલ્પના બહારની કલ્પના છે. દા.ત.એક મોટી લિફ્ટમાં ઊભવાનું., જે આબેહૂબ અવકાશ યાન હોય.એના ચારે બાજુના સ્ક્રીનના ચિત્રો બદલાતા જાય.અને તમે અવકાશી સફર કરો.સાથે સાથે દુબઇ પણ ભવિષ્યમાં કેટલું અવકાશી સંશોધન કરશે તેની વિગતો પણ આપતું જાય.એક મશીન સામે ઉભી આપણે પણ અવકાશયાત્રીના પહેરવેશમાં ચિત્ર લઇ શકીએ.  સૂર્યશક્તિને ખાસ રીતે સંગ્રહિત કરીને વિશ્વ  આખાને પહોંચાડવાની નેમ ધરાવે છે અને એ દિશામાં ચોક્કસ પણે આયોજન પણ છે .એની આછેરી ઝલક પણ અહીં છે.        

           દુબઈની અત્યારની આધુનિક ટેક્નોલોજી તો અતિ આગળ છે જ .પણ અહીં આવતીકાલના વાહન વ્યવહાર, એર ટેક્સી પૈડાં વગરની કાર ,આર વગરની સાયકલ ,વાત કરતો રોબોટ જેવી  અનેક અનેકના જીવંત મોડેલ ચોક્કસ આશ્ચર્ય પમાડે. અહીં પૃથ્વી પરના તમામ પ્રાણીમાત્રના જિનેટિક અવશેષોની મોટી પ્રયોગશાળા અને સંગ્રહસ્થાન છે.એટલે ભવિષ્યમાં આપણા જેવા આબેહૂબ ને એ લોકો પ્રયોગશાળામાં બનાવી દે તો નવાઈ નહિ ! .યોગ મેડિટેશન માટેની વિશેષ સંકલ્પના દુબઇ પાસે છે.ઉપરથી નીચે ઉતરવા માટે કાચની પારદર્શક કેપ્સ્યુલ લિફ્ટનો અનુભવ પણ કર્યો.

            દુબઇ ટાપુ છે એમને દરિયો પણ છે અને રણ પણ છે.હવે નું પ્રયાણ Desert Safari  તરફ હતું.લાબું અંતર કાપ્યા બાદ પહોંચ્યા. Land Cruzer કાર જ જાય જેનું એન્જીન ચારેય પૈડાથી જોડાયેલું હોય.તમામ સભ્યોએ સીટ બેલ્ટ ફરજીયાત અને પૂરો કડક બાંધવો પડે.

 રણ સફર શરુ. .કાર કોઈવાર 15 ફિટ ઉંચા ઢૂવા પર ચડે ને ત્યાંથી નીચે એટલી જ ઉતરે.ક્યાંક એટલી આડી ચાલે કે ઉંધી થવાનો ડર લાગે ચારે અફાટ રણ જ ..અને ઝડપ તો ભયંકર હોય જ .તો જ આ બધું થઇ શકે.આઠ થી દસ કિલોમીટર આવો રુવાડા ઉભા કરે તેવો આનંદ માણ્યો. રણનો દુર્લભ સૂર્યાસ્ત પણ મોબાઈલમાં ઝડપી લીધો. કાર કંપનીના કેમ્પમાં આવી.અહીં ભોજન લેવાનું હતું.વચ્ચે સ્ટેજ પર આગ સાથેના ખેલ, લોકનૃત્ય જેવા સાદા કાર્યક્રમ.રાત્રે હોટેલ પર પરત